လာမည့်လွှတ်တော်အစည်းအဝေးတွင် ခြောက်လဘတ်ဂျက်အတည်ပြုခြင်းနှင့် ဥပဒေကြမ်းများ ပြဠာန်းရန်ရှိ

သတ္တမပုံမှန် လွှတ်တော်အစည်းအဝေးများကို ယခုလ ၁၅ ရက်တွင် စတင်မည်ဖြစ်ရာဘတ်ဂျက်နှင့် ဥပဒေကြမ်းများ ဆွေးနွေးအတည်ပြုရန်ရှိနေသည်။ အစဉ်အလာအရ လာမည့်ဘဏ္ဍာနှစ်အတွက် ရေးဆွဲထားသောအမျိုးသားစီမံကိန်းဥပဒေကြမ်း၊ ဘဏ္ဍာငွေ အရအသုံးဆိုင်ရာ ဥပဒေကြမ်း(ဘတ်ဂျက်)နှင့် ပြည်ထောင်စု၏ အခွန်အကောက်ဥပဒေကြမ်းများကို အဓိက ဆွေးနွေးဆုံးဖြတ်ရန်ဖြစ်သော်လည်း ယခုနှစ်တွင် အနည်းငယ်ပြောင်းလဲသွားမည်ဖြစ်သည်။   ဆက်လက်ဖတ်ရှုရန် >>>>>

လွှတ်တော်ကိုယ်စားလှယ် ပြန်လည်ရုပ်သိမ်းခြင်းဆိုင်ရာဥပဒေ ဆက်လက်ဖော်ဆောင်မည်

ပထမအကြိမ် လွှတ်တော်သက်တမ်းအတွင်း အတည်ပြုရန် ဆိုင်းငံ့ထားခဲ့သည့် လွှတ်တော်ကိုယ်စားလှယ် တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကြမ်းအတွက် ဆက်လက်ကြိုးစားဆောင်ရွက်သွားမည်ဖြစ်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင် ကျောင်းကုန်းမြို့နယ် ပြည်သူ့လွှတ်တော်ကိုယ်စားလှယ်က ဦးသိန်းထွန်းက ပြောကြားသည်။ အဆိုပါဥပဒေကြမ်းကို ယခင်ပြည်ထောင်စု ရွေးကောက်ပွဲကော်မရှင်က ၂၀၁၂ သြဂုတ်လတွင် လွှတ်တော်သို့ တင်ပြခဲ့ခြင်းဖြစ်သည်။ ထို့နောက် ပထမအကြိမ် ပြည်သူ့လွှတ်တော်နှင့် အမျိုးသားလွှတ်တော်တွင် ဆွေးနွေးခဲ့မှုများအရ သဘောတူညီမှု မရရှိခဲ့ဘဲ ပထမအကြိမ်လွှတ်တော် သက်တမ်းအတွင်း အတည်မပြုဘဲ ဆိုင်းငံ့ထားခဲ့ခြင်းဖြစ်သည်။   ဆက်လက်ဖတ်ရှုရန် >>>>>

အမျိုးသားလွှတ်တော် သတ္တမပုံမှန်အစည်းအဝေးစတင်ချိန်တွင် ဥပဒေကြမ်း ၁၁ ခု၏ အစီရင်ခံစာများတင်သွင်းနိုင်ရန် ဆောင်ရွက်ထားပြီးဖြစ်ကြောင်း ဥပဒေကြမ်းကော်မတီအတွင်းရေးမှူး ပြောကြား

အမျိုးသားလွှတ်တော် သတ္တမပုံမှန်အစည်းအဝေး စတင်ချိန်တွင် ဥပဒေကြမ်း ၁၁ ခု၏ အစီရင်ခံစာများတင်သွင်းနိုင်ရန် ဆောင်ရွက်ထားပြီးဖြစ်ကြောင်း ဥပဒေကြမ်းကော်မတီအတွင်းရေးမှူး ဒေါက်တာမြတ်ဉာဏစိုးက ဒီဇင်ဘာ ၁၁ ရက်က ပြောကြားသည်။ ဒေါက်တာမြတ်ဉာဏစိုးက လွှတ်တော်ရပ်နားသည့်ကာလအတွင်း အမျိုးသားလွှတ်တော်ဥပဒေကြမ်းကော်မတီအနေဖြင့် အသိဉာဏ်ပစ္စည်းဆိုင်ရာ မူပိုင်ခွင့်ဥပဒေကြမ်းလေးခုနှင့် ပတ်သက်၍ သတ္တမအကြိမ်ပြုလုပ်မည့် လွှတ်တော်အစည်းအဝေးတွင် အစီရင်ခံစာတင်သွင်းနိုင်ရန် ဆောင်ရွက်ပြီးဖြစ်ကြောင်း၊ ပြည်သူ့လွှတ်တော်မှအတည်ပြုပြီး ပေးပို့လာသည့် တောရိုင်းတိရစ္ဆာန်နှင့် သဘာဝတောရိုင်းနယ်မြေထိန်းသိမ်းရေး ဥပဒေကြမ်း၊ ခရီးသွားလုပ်ငန်းဥပဒေကြမ်း၊ ကြက်ခြေနီဥပဒေကို ပြင်ဆင်သည့်ဥပဒေကြမ်း၊ မူးယစ်ဥပဒေကိုပြင်ဆင်သည့် ဥပဒေကြမ်းအပါအဝင် ဥပဒေကြမ်း ၁၁ ခုရှိကြောင်း ပြောကြားသည်။ ဆက်လတ်ဖတ်ရှရန် >>>>>

မူးယစ်ဆေးဝါးသုံးစွဲသူများကို ထောင်ဒဏ်အစား လူမှုရေးပြစ်ဒဏ်သာကျခံစေမည့် ဥပဒေကြမ်း ပြည်သူ့လွှတ်တော်တွင် ဆွေးနွေးမည်

Saturday, October 28, 2017 အမျိုးသားလွှတ် တော်က အတည်ပြုပေးပို့သည့် မူးယစ်ဆေးဝါးသုံးစွဲသူများကို ထောင်ဒဏ်အစား လူမှုရေးအ ကျိုးပြုလုပ်ငန်းများ ဆောင်ရွက် စေမည့် ဥပဒေကြမ်းကို ပြည်သူ့ လွှတ်တော်ဥပဒေကြမ်းကော်မတီ က အောက်တိုဘာ ၂၆ ရက်က အစီရင်ခံစာတင်သွင်းသည်။ အမျိုးသားလွှတ်တော်က ပြင်ဆင်ချက်ဖြင့် အတည်ပြုပေး ပို့လာသော မူးယစ်ဆေးဝါးနှင့် စိတ်ကို ပြောင်းလဲစေတတ်သော ဆေးဝါးများ ဆိုင်ရာဥပဒေ ပြင် ဆင်သည့် ဥပဒေကြမ်းကို ဥပဒေ ကြမ်းကော်မတီအစီရင်ခံစာအ ပေါ် အခြေခံကာ ကိုယ်စားလှယ် များက ဆွေးနွေးမည်ဖြစ်သည်။ ‘‘အစီရင်ခံစာက ဥပဒေရဲ့ အပြီးမဟုတ်သေးပါဘူး။ ကိုယ် စားလှယ်တွေက ပြင်ဆင်ချက်အ ဆိုတွေ တင်သွင်းဆွေးနွေးပြီးမှ အတည်ပြုမှာပါ’’ဟု ဥပဒေကြမ်း ကော်မတီဝင် ဦးနေမျိုးထွန်းက ပြောသည်။ ဆက်လက်ဖတ်ရှုရန် >>> 

အစိုးရရုံးများက အကြောင်းပြချက်မခိုင်လုံဘဲ ရုံးချိန်းခဏခဏ မပြောင်းရန်အတွက် ထိန်းသိမ်းကြပ်မတ်ပေးရန် လိုအပ်သောအရေးယူမှု၊ အမိန့်၊ ဥပဒေများ ချမှတ်ပေးရန် အစိုးရအား တိုက်တွန်းကြောင်းအဆို ပြည်သူ့လွှတ်တော်၌ မှတ်တမ်းတင်

အဂတိလိုက်စားမှု (လာဘ်ပေးလာဘ်ယူမှု) ကျဆင်းရန်အတွက် အစိုးရရုံးများနှင့် ပြည်သူလူထု ဆက်ဆံရေးပြေပြစ်ရန် အစိုးရုံးများက အကြောင်းပြချက်မခိုင်လုံဘဲ ရုံးချိန်းခဏခဏ မပြောင်းရန်အတွက် ထိန်းသိမ်းကြပ်မတ်ပေးရန် လိုအပ်သော အရေးယူမှု၊ အမိန့်၊ ဥပဒေများ ချမှတ်ပေးပါရန် အစိုးရအား တိုက်တွန်းကြောင်း အဆိုကို မေ ၃၀ ရက်တွင် ပြည်သူ့လွှတ်တော်က မှတ်တမ်းတင်သည်။ ၎င်းအဆိုကို ကလေးမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်အေးအေးမူ (ခ) ဒေါ်ရှားမီးက ပြီးခဲ့သည့် စတုတ္ထအကြိမ် ပုံမှန်အစည်းအဝေးကာလအတွင်း တင်သွင်းခဲ့ပြီး အဆိုအပေါ် မေ ၃၀ ရက်က ကျင်းပသည့် အစည်းအဝေး၌ ကိုယ်စားလှယ်ခြောက်ဦးက ထောက်ခံဆွေးနွေး အကြံပြုခဲ့သည်။ သတင်းအပြည့်အစုံဖတ်ရန် >>>>>>>>>

ဘတ်ဂျက်လျာထားချက်များ သေချာဖတ်ရှုရန် လွှတ်တော်ကိုယ်စားလှယ်များကို ဦးဝင်းမြင့်သတိပေး

ဘတ်ဂျက်မစတင်မီ အစိုးရအဖွဲ့က လွှတ်တော်သို့ တင်ပြသည့် လျာထားချက်စာ အုပ်များကို သေချာဖတ်ရှုရန် ပြည်သူ့လွှတ်တော်ဥက္ကဋ္ဌ ဦးဝင်းမြင့်က မေလ ၁၉ ရက်တွင် ကျင်းပသော ပြည်သူ့လွှတ်တော်အစည်းအဝေး၌ လွှတ်တော်ကိုယ်စားလှယ်များအား သတိပေးခဲ့သည်။ အခွန်အကောက်၊ ဘတ် ဂျက်၊ စီမံကိန်း စသည့်ဥပဒေများကို မပြဋ္ဌာန်းမီ အစိုးရက လွှတ်တော်သို့ တင်ပြချိန်တွင် လွှတ်တော်ကိုယ်စားလှယ်များက သေ ချာဖတ်ရှုသင့််ကြောင်းနှင့် မဖတ်ရှုဘဲ ဘတ်ဂျက်ပြဋ္ဌာန်းပြီးချိန်၌စီမံကိန်းများကို ပြောင်းလဲရန် လုပ်ဆောင်ခြင်းသည် မိုးလွန်မှ ထွန်ချခြင်းဖြစ်ကြောင်း ပြည်သူ့ လွှတ်တော်ဥက္ကဋ္ဌက သတိပေး ခြင်းဖြစ်သည်။ ‘‘တစ်နိုင်ငံလုံးရဲ့ အခွန်အ ကောက်၊ ဘတ်ဂျက်၊ စီမံကိန်း ဒီ အရေးကြီးတဲ့သုံးခုက လွှတ်တော်ထဲရောက်လာပြီဆိုရင် တစ်နိုင်ငံလုံးကို မကြည့်နိုင်ရင်တောင်မှ ကိုယ့်မဲဆန္ဒနယ်၊ ကိုယ့်မြို့နယ်မှာ ဖြစ်တဲ့၊ ကိုယ့်တိုင်းမှာဖြစ်တဲ့ ဘတ်ဂျက်ကိစ္စကိုတော့ ကြည့်ဖို့လိုတယ်။ ပြီးသွားပြီးမှ[…]

အကျဉ်းထောင် ဥပဒေကြမ်း လွှတ်တော်သို့ တင်သွင်းရန်ရှိ

ယခင် လွှတ်တော်သက်တမ်းအတွင်း ပြီးပြတ်အောင် ပြဋ္ဌာန်းခြင်းမရှိခဲ့သည် အကျဉ်းထောင် ဥပဒေကို ပြန်လည်ပြဋ္ဌာန်းနိုင်ရန် နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP) နှင့် အမျိုးသားလွှတ်တော် ဥပဒေကြမ်းကော်မတီတို့ ယမန်နေ့က နေပြည်တော် လွှတ်တော်ဝင်းအတွင်း တွေ့ဆုံဆွေးနွေးခဲ့ကြသည်။ လက်ရှိလွှတ်တော်၏ အနေအထားသည် နိုင်ငံရေးအကျဉ်းသားဟောင်း အများစုပါဝင်၍ တက်ရောက်ခွင့် ရနေသည့်အတွက် အကျဉ်းထောင်ဥပဒေကို ပြန်လည်တင်ပြနိုင်မည်ဖြစ်ကြောင်း၊ အကျဉ်းထောင်အတွင်းမှ အခြေအနေများကို ပြင်ဆင်ရန်အတွက် မဖြစ်မနေ ပြဋ္ဌာန်းရန်လိုအပ်သည်ဟုလည်း ဥပဒေကြမ်းကော်မတီ ဥက္ကဋ္ဌ ဦးဇော်မင်းကပြောသည်။ ဥပဒေကြမ်းကော်မတီ ဥက္ကဋ္ဌ ဦးဇော်မင်းက “ အခုလောလောဆယ်တော့ လွှတ်တော်ကိုယ်စားလှယ်က တင်ဖို့မရှိသေးဘူး တင်စားရှိခဲ့လို့ရင်တော့ သူ့ရဲ့ ဝန်ကြီးဌာနကတင်မယ်။ တင်ဖြစ်မယ်လို့တော့ ထင်ပါတယ် ၊ အသံတွေလည်းကြားနေတယ်” ဟုပြောသည်။ သတင်းအပြည့်အစုံဖတ်ရန်>>>>>>>>

တရားခံလွှဲပြောင်းရေး ဥပဒေကြမ်းသည် ပြီးစလွယ်ရေးထားသည့် သဘောသက်ရောက်နေဟု လွှတ်တော်အမတ်တစ်ဦး ဝေဖန်

တရားခံလွှဲပြောင်း ရေးဥပဒေသည် ပြီးလွယ်စီးလွယ် ရေးသားထားသည့် သဘောသက်ရောက်နေသောကြောင့် ပြန်လည် ပြုပြင်ရေးဆွဲရန် လိုအပ်နေသည်ဟု ရန်ကုန်တိုင်းဒေသကြီး မဲဆန္ဒနယ် အမှတ် (၂)မှ အမျိုးသားလွှတ်တော်ကိုယ်စားလှယ် ဦးဌေးဦးကပြောသည်။ မေလ ၂၂ရက်က ကျင်းပသည့် အမျိုးသားလွှတ်တော် အစည်းအဝေးတွင် တရားခံလွှဲ ပြောင်းရေးဥပဒေကို အမျိုးသားလွှတ်တော်က အတည်ပြုနိုင်ရေး ဥပဒေပါအကြောင်းအရာများကို ဆွေးနွေးရာ ဦးဌေးဦးက ဝေဖန်ပြောဆိုခဲ့သည်။ ‘‘ဒီဥပဒေဟာ တရားခံလွှဲ ပြောင်းရေး ဥပဒေဖြစ်တဲ့အတွက် တခြားနိုင်ငံကတောင်းဆိုလာရင် လွှဲပြောင်းပေးဖို့ ဖြစ်သလို ကျွန်တော်တို့နိုင်ငံလည်း တောင်းဆိုဖို့ လိုရင် တောင်းဆိုနိုင်တဲ့ ပြဋ္ဌာန်းချက်မျိုးဖြစ်ဖို့လိုပါတယ်။ ကျွန်တော်တို့ အခုရေးဆွဲထားတဲ့ ဥပဒေမှာ သူများနိုင်ငံကတောင်းဆိုလာရင် ဘာလုပ်မလဲ ဆိုတာပဲပါ တယ်။ ကိုယ့်နိုင်ငံကတောင်းဆိုလာရင် ဘာလုပ်မယ်ဆိုတာ တလုံးမှ မပါတဲ့အတွက် ဒီဥပဒေဟာ တော်တော်လေး ပြီးလွယ်စီးလွယ် ရေးသားထားတဲ့ သဘောသက်ရောက်နေပါတယ်’’[…]

ပြည်သူတိုင်ကြားစာကော်မတီမှာ အများဆုံး အတိုင်ခံရတာ တရားရုံးတွေဖြစ်နေ

စတုထ္ထအကြိမ် လွှတ်တော်သက်တမ်းအတွင်း အမျိုးသားလွှတ်တော်မှာ ဖွဲ့စည်းထားတဲ့ ပြည်သူ့တိုင်ကြား စာကော်မတီကို တရားရုံးတွေ နဲ့ပါတ်သက်ပြီး တိုင်ကြားတဲ့ စာတွေက တိုင်ကြားစာစုစုပေါင်းရဲ့ ငါးဆယ်ရာနှုန်း ရှိနေတယ်လို့ ပြည်သူတို့၏တိုင်ကြားစာဆိုင်ရာကော်မတီ ဥက္ကဌ ဦးဆန်းမြင့်က ပြောပါတယ် ။ ဆက်လက်ဖတ်ရှုရန် >>>

နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ်ဆိုင်ရာ လုံခြုံမှုကို အကာအကွယ်ပေးရေး ဥပဒေကြမ်း အပါအဝင် ဥပဒေကြမ်းကိုးခု အတည်ပြုခဲ့ပြီးနောက် ဒုတိယအကြိမ်လွှတ်တော် စတုတ္ထပုံမှန် အစည်းအဝေးများပြီးဆုံး

ဒုတိယအကြိမ် ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်များ၏ စတုတ္ထပုံမှန် အစည်းအဝေးများ မတ် ၁၇ ရက်တွင် ပြီးဆုံးခဲ့သည်။ဒုတိယအကြိမ် ပြည်ထောင်စုလွှတ်တော် အစည်းအဝေးများကို အစည်းအဝေးကာလ ၄၇ ရက်အတွင်း ၁၇ ကြိမ် ကျင်းပခဲ့ပြီး ၂၀၁၇ ခုနှစ် ပြည်ထောင်စု၏ ဘဏ္ဍာငွေ အရအသုံးဆိုင်ရာဥပဒေ၊ ၂၀၁၇ ခုနှစ်၏ ပြည်ထောင်စု၏ အခွန်အကောက်ဥပဒေ၊ ၂၀၁၇-၂၀၁၈ ဘဏ္ဍာနှစ် အမျိုးသားစီမံကိန်း ဥပဒေများကို အတည်ပြုနိုင်ခဲ့ကြောင်း၊ သက်ကြီးရွယ်အိုများ ဆိုင်ရာဥပဒေ၊ ပြည်ထောင်စု ရွေးကောက်ပွဲကော်မရှင် ဥပဒေကို ဒုတိယအကြိမ် ပြင်ဆင်သည့် ဥပဒေ၊ ၁၉၇၃ ခုနှစ် ပြည်ထောင်စု မြန်မာနိုင်ငံ စာစစ်အဖွဲ့ဥပဒေကို တတိယအကြိမ် ပြင်ဆင်သည့်ဥပဒေ၊ ဥပဒေ ဘာသာပြန် ကော်မရှင်ဥပဒေကို ပြင်ဆင်သည့်ဥပဒေနှင့် နိုင်ငံသားများ၏ ပုဂ္ဂိုလ်ဆိုင်ရာ လွတ်လပ်မှုနှင့် ပုဂ္ဂိုလ်ဆိုင်ရာ[…]